വസ്ത്രധാരണത്തെച്ചൊല്ലി വൻ വിവാദം: കൃതി സാനന്റെ രക്ഷാബന്ധൻ പരസ്യം നീക്കി ജ്വല്ലറി

നടി കൃതി സാനൻ അഭിനയിച്ച രക്ഷാബന്ധൻ പരസ്യചിത്രം വസ്ത്രധാരണത്തെച്ചൊല്ലിയുള്ള വിവാദങ്ങളെ തുടർന്ന് പ്രമുഖ ജ്വല്ലറി ബ്രാൻഡായ 'ഗിവ' പിൻവലിച്ചു. പരസ്യത്തിൽ ബ്രാലെറ്റ് ധരിച്ച് എത്തിയ കൃതി, സഹോദരനും വളർത്തുനായയ്ക്കും രാഖി കെട്ടുന്ന രംഗങ്ങളാണ് വിമർശനത്തിന് വഴിവെച്ചത്. ആചാരങ്ങൾക്കിടയിലെ ഇത്തരം വസ്ത്രധാരണം ഇന്ത്യൻ സംസ്കാരത്തിന് നിരക്കാത്തതാണെന്ന് ചൂണ്ടിക്കാട്ടി ബിജെപി എംപിയും നടിയുമായ കങ്കണ റണൗട്ട് ഉൾപ്പെടെയുള്ളവർ രൂക്ഷമായ എതിർപ്പുമായി രംഗത്തെത്തി.

കങ്കണയുടെ വിമർശനങ്ങൾക്ക് കൃതി സോഷ്യൽ മീഡിയയിലൂടെ മറുപടി നൽകിയപ്പോൾ, നടിയെ പിന്തുണച്ച് കോൺഗ്രസ് നേതാവ് രാഹുൽ ഗാന്ധിയും രംഗത്തെത്തിയതോടെ വിഷയം വലിയ രാഷ്ട്രീയ-സാമൂഹിക ചർച്ചയായി മാറി. വിവാദം കനത്തതോടെ പരസ്യം പൂർണ്ണമായി പിൻവലിക്കുന്നതായി ജ്വല്ലറി അധികൃതർ പ്രസ്താവനയിലൂടെ അറിയിച്ചു. ഇന്ത്യൻ പാരമ്പര്യത്തോടും ഉത്സവങ്ങളോടും തങ്ങൾക്ക് ഏറെ ബഹുമാനമുണ്ടെന്നും, പരസ്യം ആരുടെയെങ്കിലും വികാരങ്ങളെ മുറിവേൽപ്പിച്ചിട്ടുണ്ടെങ്കിൽ അത് മനഃപൂർവമല്ലെന്നും വ്യക്തമാക്കിയ കമ്പനി, എല്ലാവരോടുമുള്ള ആദരസൂചകമായി എല്ലാ മാധ്യമങ്ങളിൽ നിന്നും പരസ്യം നീക്കം ചെയ്യുകയാണെന്ന് വ്യക്തമാക്കി.