ഹോട്ടൽ മേഖലയ്ക്ക് വൻ ആശ്വാസം, സിലിണ്ടര് വില കുറയും; അടുത്ത മാസം പ്രാബല്യത്തിൽ
സിലിണ്ടറിന് 500 മുതല് 700 രൂപ വരെ കുറഞ്ഞേക്കുമെന്നാണ് സൂചന
ന്യൂഡല്ഹി: രാജ്യത്ത് വാണിജ്യ സിലിണ്ടര് വില കുറഞ്ഞേക്കും. എണ്ണ ഇറക്കുമതി സാധാരണ നിലയിലെത്തിയെന്നാണ് കേന്ദ്ര പെട്രോളിയം മന്ത്രാലയത്തിന്റെ വിലയിരുത്തല്. ഇതേതുടര്ന്ന് കേന്ദ്ര പെട്രോളിയം മന്ത്രാലയം എണ്ണക്കമ്പനികളുമായി ചര്ച്ച നടത്തി.
സിലിണ്ടറിന് 500 മുതല് 700 രൂപ വരെ കുറഞ്ഞേക്കുമെന്നാണ് സൂചന. അടുത്തമാസം ഒന്നാം തീയതി പുതിയ വില പ്രഖ്യാപിക്കും. ഹോട്ടല് മേഖലകള്ക്കുള്പ്പടെ കൂടുതല് ആശ്വാസമായി പുതിയ വിവരം പുറത്തുവരുന്നത്.
നിയന്ത്രണം നീക്കുന്നതുമായി ബന്ധപ്പെട്ട് കേന്ദ്രം സംസ്ഥാനങ്ങള്ക്ക് കത്ത് നല്കിയിട്ടുണ്ട്. പശ്ചിമേഷ്യന് സംഘര്ഷങ്ങളെ തുടര്ന്ന് ഉണ്ടായ പ്രതിസന്ധിയാണ് വാണിജ്യ സിലിണ്ടറുകളുടെ വിതരണത്തില് കേന്ദ്രസര്ക്കാര് കടുത്ത നിയന്ത്രണങ്ങള് ഏര്പ്പെടുത്തുന്നതിനും വില വര്ധിക്കുന്നതിനും കാരണമായത്.
ആവശ്യത്തിന് സിലിണ്ടറുകള് ലഭിക്കാതിരുന്നതും കടുത്ത വിലവര്ധനവും കാരണം കേരളത്തിലുള്പ്പെടെ ചെറുതും വലുതുമായ നിരവധി റെസ്റ്റോറന്റുകളും ഹോട്ടലുകളും പ്രതിസന്ധിയിലാവുകയും പലതും അടച്ചുപൂട്ടേണ്ടിവരികയും ചെയ്തിരുന്നു. വില കുറയുന്ന്തോടെ ഇതിനൊരു പരിഹാരമാകുമെന്നാണ് പ്രതീക്ഷ.
Comments ()