കേരളത്തില് തീവ്ര മഴയ്ക്ക് സാധ്യത; 11 ജില്ലകളില് ഓറഞ്ച് അലേര്ട്ട് പ്രഖ്യാപിച്ചു
കാസര്കോടും വയനാടും എറണാകുളത്തും ആലപ്പുഴയിലും കോട്ടയത്തും ഇന്ന് വിദ്യാഭ്യാസ സ്ഥാപനങ്ങള്ക്ക് ജില്ലാകളക്ടര് അവധി പ്രഖ്യാപിച്ചു.
തിരുവനന്തപുരം: കേരളത്തില് ഇന്നും നാളെയും തീവ്ര മഴയ്ക്ക് സാധ്യത. ഇന്ന് 11 ജില്ലകളിലും നാളെ 9 ജില്ലകളിലും ഓറഞ്ച് അലര്ട്ട് പ്രഖ്യാപിച്ചു. കാസര്കോടും വയനാടും എറണാകുളത്തും ആലപ്പുഴയിലും കോട്ടയത്തും ഇന്ന് വിദ്യാഭ്യാസ സ്ഥാപനങ്ങള്ക്ക് ജില്ലാകളക്ടര് അവധി പ്രഖ്യാപിച്ചു.
വടകര, താമരശ്ശേരി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും അവധിയാണ്. ഓറഞ്ച് അലര്ട്ട് നിലവിലുള്ള സാഹചര്യത്തിലാണ് അവധി. കേരളതീരത്ത് മീന്പിടിത്തത്തിനും വിലക്ക് ഏര്പ്പെടുത്തിയിട്ടുണ്ട്.
പ്രൊഫഷണല് കോളേജുകള്, അങ്കണവാടികള്, ട്യൂഷന് സെന്ററുകള്, മതപഠന കേന്ദ്രങ്ങള് തുടങ്ങിയ എല്ലാ സ്ഥാപനങ്ങള്ക്കും അവധി ബാധകമായിരിക്കും. കാസര്കോട്, വയനാട് ജില്ലകളില് റസിഡന്ഷ്യല് സ്കൂളുകള്ക്കും കോളേജുകള്ക്കും അവധി ബാധകമല്ലെന്ന് അധികൃതര് വ്യക്തമാക്കി. കോഴിക്കോട് ജില്ലയിലെ വടകര, താമരശ്ശേരി താലൂക്കുകളിലെ അവധി ഓണ്ലൈന് ക്ലാസുകള്ക്ക് ബാധകമല്ല.
Comments ()