ഇത്തിഹാദ് റെയില് കേവലം ഒരു ഗതാഗത പദ്ധതിയല്ല, രാജ്യത്തിന്റെ സാമ്പത്തിക വിപ്ലവം; മുഹമ്മദ് ഫാസില്
ഇത്തിഹാദ് റെയിൽ വെറുമൊരു യാത്രാസംവിധാനമല്ല, രാജ്യത്തിന്റെ ഉൽപ്പാദനക്ഷമതയും ബിസിനസ്സ് വേഗതയും വർദ്ധിപ്പിക്കുന്ന തന്ത്രപരമായ നിക്ഷേപമാണ്.
ദുബായ്: യു.എ.ഇ.യിലെ നഗരങ്ങളെ തമ്മില് ബന്ധിപ്പിക്കുന്ന 'ഇത്തിഹാദ് റെയില്' എന്ന സ്വപ്ന പദ്ധതി യാഥാര്ത്ഥ്യമാകുമ്പോള് ഏറ്റവും കൂടുതല് സന്തോഷിക്കുന്നത് നമ്മള് പ്രവാസികളാണ്. കുറഞ്ഞ ചെലവിലും കുറഞ്ഞ സമയത്തിലും സുരക്ഷിതമായി യാത്ര ചെയ്യാം എന്നത് പ്രവാസികള്ക്ക് നല്കുന്ന ആശ്വാസം ചെറുതല്ല. യു.എ.ഇ.യുടെ ചരിത്രത്തിലെ തന്നെ ഏറ്റവും വലിയ തന്ത്രപ്രധാന പദ്ധതിയായ 'ഇത്തിഹാദ് റെയില്' കേവലം നഗരങ്ങളെ തമ്മില് ബന്ധിപ്പിക്കുന്ന ഒരു റെയില്വേ ശൃംഖല മാത്രമല്ല മറിച്ച് രാജ്യത്തിന്റെ സാമ്പത്തിക വ്യവസ്ഥയ്ക്ക് പുതിയ വേഗത നല്കുന്ന ഒരു വിപ്ലവമാണ്. ഈ പദ്ധതിയെക്കുറിച്ച് പ്രമുഖ ബിസിനസ്സ് നിരീക്ഷകനും സംരംഭകനുമായ മുഹമ്മദ് ഫാസില് പങ്കുവെച്ച വാക്കുകള് ഏറെ ശ്രദ്ധേയമാണ്.
കുറിപ്പിന്റെ പൂര്ണരൂപം....
ഇത്തിഹാദ് റെയിലിനെ ഞാന് കാണുന്നത് ഒരു ഗതാഗത പദ്ധതിയായല്ല, മറിച്ച് രാജ്യത്തിന്റെ ഉല്പ്പാദനക്ഷമത വര്ധിപ്പിക്കുന്ന തന്ത്രപരമായ അടിസ്ഥാനസൗകര്യ നിക്ഷേപമായാണ്. ബിസിനസില് സമയമാണ് ഏറ്റവും വിലപ്പെട്ട വിഭവം. യാത്രാസമയം കുറയുമ്പോള് ജീവനക്കാരുടെ കാര്യക്ഷമതയും സ്ഥാപനങ്ങളുടെ പ്രവര്ത്തനവേഗവും വര്ധിക്കുന്നു; അതോടൊപ്പം ലോജിസ്റ്റിക്സ് ചെലവുകള് കുറയുകയും രാജ്യത്തിന്റെ മൊത്തത്തിലുള്ള മത്സരക്ഷമത ഉയരുകയും ചെയ്യുന്നു. ഇത്തരത്തിലുള്ള ദീര്ഘവീക്ഷണമുള്ള പദ്ധതികളാണ് നിക്ഷേപകരുടെ വിശ്വാസം ശക്തിപ്പെടുത്തുകയും പുതിയ ബിസിനസ് അവസരങ്ങള് സൃഷ്ടിക്കുകയും ചെയ്യുന്നത്. പ്രവാസികളും സംരംഭകരും ഒരുപോലെ പ്രയോജനം നേടുന്ന ഈ മാതൃക, സാമ്പത്തിക വളര്ച്ചയും ജനങ്ങളുടെ ജീവിതനിലവാരവും ഒരുമിച്ച് ഉയര്ത്തുന്ന മികച്ച വികസന സമീപനമാണെന്ന് ഞാന് വിശ്വസിക്കുന്നു.'
മുഹമ്മദ് ഫാസിൽ, ചീഫ് ഓപ്പറേറ്റിങ് ഓഫീസർ (COO), ക്ലസ്റ്റർ കോർപ്പറേറ്റ് സർവീസസ്
Comments ()