ദോഹ ഡയമണ്ട് ലീഗില്‍ നിരാശ, ജാവലിന്‍ പറന്നത് 85.69 മീറ്റര്‍ മാത്രം, ഒളിംപ്യന്‍ നീരജ് ചോപ്രയ്ക്ക് നാലാംസ്ഥാനം

ദോഹ: ജാവലിന്‍ ത്രോ സൂപ്പര്‍ താരം ഒളിംപ്യന്‍ നീരജ് ചോപ്രയ്ക്ക് ദോഹ ഡയമണ്ട് ലീഗില്‍ നിരാശ. മത്സരത്തില്‍ നാലാം സ്ഥാനം കൊണ്ട് തൃപ്തിപ്പെടേണ്ടി വന്നു. 85.69 മീറ്റര്‍ മാത്രമാണ് മത്സരത്തില്‍ താരത്തിന്റെ മികച്ച ദൂരം. മത്സരത്തില്‍ ശ്രീലങ്കയുടെ റുമേഷ് പതിരഗെ 88.68 മീറ്റര്‍ എറിഞ്ഞ് ഒന്നാം സ്ഥാനം സ്വന്തമാക്കി.

അതേസമയം, ഇന്ത്യയെ സംബന്ധിച്ചിടത്തോളം താരത്തിന് കോമണ്‍വെല്‍ത്ത് ഗെയിംസ് യോഗ്യത നേടാന്‍ സാധിച്ചത് വലിയ പ്രതീക്ഷയാണ്.

നീരജ് മത്സരത്തിന്റെ ആദ്യ ശ്രമത്തില്‍ ഫൗള്‍ ആയാണ് തുടങ്ങിയത്. രണ്ടാമത്തെ ശ്രമത്തില്‍ 82.77 മീറ്ററും, മൂന്നാമത്തെ ശ്രമത്തില്‍ തന്റെ മികച്ച ദൂരമായ 85.69 മീറ്ററും അദ്ദേഹം കണ്ടെത്തി. എന്നാല്‍ നാലാമത്തെ ശ്രമത്തില്‍ 83.45 മീറ്റര്‍ എറിഞ്ഞെങ്കിലും അഞ്ചാം ശ്രമം വീണ്ടും ഫൗളായി.

ഇതോടെ് ഫൈനല്‍ റൗണ്ടിലേക്ക് യോഗ്യത നേടാനും സാധിച്ചില്ല. നേരത്തെ നടുവിനേറ്റ പരിക്കിനെത്തുടര്‍ന്ന് വിശ്രമത്തിലായിരുന്ന നീരജ് ചോപ്രയുടെ തിരിച്ചുവരവ് മത്സരമായിരുന്നു ഇത്.