വർക്ക് പെർമിറ്റ് പുതുക്കാനുള്ള സമയപരിധി അവസാനിക്കുന്നു, കാലാവധി കഴിഞ്ഞവരെ ഒഴിവാക്കാൻ സൗദി
ജൂലൈ ഒന്ന് മുതല് തൊഴിലുടമയുടെ ഔദ്യോഗിക റെക്കോര്ഡുകളില് നിന്ന് നീക്കം ചെയ്യും.
സൗദി അറേബ്യയില് വര്ക്ക് പെര്മിറ്റ് കാലാവധി കഴിഞ്ഞിട്ടും പുതുക്കാത്ത പ്രവാസി തൊഴിലാളികള്ക്കെതിരെ കടുത്ത നടപടികളുമായി മാനവശേഷി-സാമൂഹിക വികസന മന്ത്രാലയം. വര്ക്ക് പെര്മിറ്റ് കാലാവധി തീര്ന്ന് മൂന്ന് മാസത്തിലധികമായിട്ടും നടപടികള് പൂര്ത്തിയാക്കാത്ത തൊഴിലാളികളെ ജൂലൈ ഒന്ന് മുതല് തൊഴിലുടമയുടെ ഔദ്യോഗിക റെക്കോര്ഡുകളില് നിന്ന് നീക്കം ചെയ്യും.
മന്ത്രാലയത്തിന് കീഴിലുള്ള 'ക്വിവ' പ്ലാറ്റ്ഫോം വഴിയാണ് ഈ നടപടികള് ആരംഭിക്കുന്നത്. സ്റ്റാറ്റസ് നിയമാനുസൃതമാക്കാന് അനുവദിച്ച സമയപരിധി അവസാനിക്കാന് ഇനി രണ്ടു ദിവസങ്ങള് മാത്രമാണ് ബാക്കിയുള്ളത്. തൊഴിലുടമകള്ക്ക് തൊഴിലാളികളുടെ വര്ക്ക് പെര്മിറ്റുകള് പുതുക്കുന്നതിനോ, അതല്ലെങ്കില് സ്പോണ്സര്ഷിപ്പ് മാറ്റുന്നതിനോ ഉള്ള അവസാന തീയതി നാളെ (ജൂണ് 30 ചൊവ്വാഴ്ച) ആണ്.
Comments ()