കേരളത്തിൽ വീണ്ടും മഴ കനക്കുന്നു, ശക്തമായ കാറ്റിനും കടലാക്രമണത്തിനും സാധ്യത
വിവിധ ജില്ലകളില് വരും ദിവസങ്ങളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചിട്ടുണ്ട്
തിരുവനന്തപുരം: വരും ദിവസങ്ങളില് കേരളത്തില് കാലവര്ഷം കൂടുതല് ശക്തമാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഞായറാഴ്ച മുതല് പരക്കെ മഴയ്ക്ക് സാധ്യതയുണ്ടെന്നാണ് പ്രവചനം. ഇതിന്റെ അടിസ്ഥാനത്തില് വിവിധ ജില്ലകളില് വരും ദിവസങ്ങളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചിട്ടുണ്ട്.
സംസ്ഥാനത്തെ അഞ്ച് ജില്ലകളില് ഇന്ന് (ജൂണ് 26) ശക്തമായ മഴയ്ക്കുള്ള സാധ്യത പ്രവചിച്ചുകൊണ്ട് യെല്ലോ അലര്ട്ട് പ്രഖ്യാപിച്ചിട്ടുണ്ട്. കാസര്കോട്, കണ്ണൂര്, ആലപ്പുഴ, കൊല്ലം, തിരുവനന്തപുരം ജില്ലകളിലാണ് ജാഗ്രതാ. ഈ ജില്ലകളില് ഒറ്റപ്പെട്ടയിടങ്ങളില് ശക്തമായ മഴ പെയ്യാന് സാധ്യതയുള്ളതിനാല് പ്രദേശവാസികള് ജാഗ്രത പാലിക്കണമെന്ന് കാലാവസ്ഥാ കേന്ദ്രം അറിയിച്ചു.
Comments ()