ടർഫിലെ കളി ദുരന്തമായി; കുഴഞ്ഞുവീണ് സിപിഎം നേതാവ് മരിച്ചു
ഞായറാഴ്ച ചുനങ്ങാടുള്ള സ്വകാര്യ ടർഫിൽ സുഹൃത്തുക്കൾക്കൊപ്പം ഫുട്ബോൾ കളിക്കുന്നതിനിടെയാണ് ബാലചന്ദ്രൻ പെട്ടെന്ന് കുഴഞ്ഞുവീണത്. സംഭവം കണ്ടവർ ഉടൻ തന്നെ അദ്ദേഹത്തെ കണ്ണിയംപുറത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
പാലക്കാട്: ഫുട്ബോൾ കളിക്കുന്നതിനിടെ കുഴഞ്ഞുവീണ സിപിഎം നേതാവ് മരിച്ചു. ഒറ്റപ്പാലം ചുനങ്ങാട് മുട്ടിപ്പാലം ഉള്ളാട്ടിൽ യു. ബാലചന്ദ്രൻ (55) ആണ് മരിച്ചത്.
ഞായറാഴ്ച ചുനങ്ങാടുള്ള സ്വകാര്യ ടർഫിൽ സുഹൃത്തുക്കൾക്കൊപ്പം ഫുട്ബോൾ കളിക്കുന്നതിനിടെയാണ് ബാലചന്ദ്രൻ പെട്ടെന്ന് കുഴഞ്ഞുവീണത്. സംഭവം കണ്ടവർ ഉടൻ തന്നെ അദ്ദേഹത്തെ കണ്ണിയംപുറത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
പ്രാഥമിക നിഗമനത്തിൽ ഹൃദയാഘാതമാണ് മരണകാരണമെന്ന് കരുതുന്നുവെങ്കിലും, കൂടുതൽ പരിശോധനകൾക്ക് ശേഷമേ ഇക്കാര്യത്തിൽ വ്യക്തത ലഭിക്കൂ.
ബാലചന്ദ്രന്റെ അപ്രതീക്ഷിത വിയോഗം പ്രദേശത്തും സിപിഎം പ്രവർത്തകരിലും ദുഃഖമുണർത്തി. മൃതദേഹം തുടർനടപടികൾക്കായി ആശുപത്രിയിൽ സൂക്ഷിച്ചിരിക്കുകയാണ്.
Comments ()