ഖത്തർ ഗ്യാസ് പ്ലാന്റിലെ അപകടം: മരിച്ചവരിൽ കോഴിക്കോട് സ്വദേശിയായ യുവാവും
പ്ലാന്റ് സൂപ്പര് വൈസര് തൂണേരി വെള്ളൂര് സ്വദേശി അര്ജുന്(29) ആണ് മരിച്ചത്.
കോഴിക്കോട്: ഖത്തറിലെ ഗ്യാസ് പ്ലാന്റില് ഉണ്ടായ അപകടത്തില് മരിച്ചവരില് കോഴിക്കോട് സ്വദേശിയും. പ്ലാന്റ് സൂപ്പര് വൈസര് തൂണേരി വെള്ളൂര് സ്വദേശി അര്ജുന്(29) ആണ് മരിച്ചത്. അപകടത്തില് 13 പേരാണ് കൊല്ലപ്പെട്ടത്. ഇതില് 12 പേര് ഇന്ത്യക്കാരാണെന്ന് ദോഹയിലെ ഇന്ത്യന് എംബസി അറിയിച്ചിരുന്നു.
ഞായറാഴ്ച രാത്രിയാണ് ഖത്തറിലെ റാസ് ലഫാന് വ്യാവസായ കേന്ദ്രത്തിലെ പ്ലാന്റില് സ്ഫോടനമുണ്ടായത്. അറ്റകുറ്റ പ്രവൃത്തികള്ക്കിടെയായിരുന്നു പൊട്ടിത്തെറി. ഇന്ത്യ, പാകിസ്താന്, ബംഗ്ലാദേശ്, നേപ്പാള്, ടാന്സാനിയ, കെനിയ, നൈജീരിയ തുടങ്ങിയ വിവിധ രാജ്യങ്ങളില് നിന്നുള്ള 66 പേര്ക്കാണ് സ്ഫോടനത്തില് പരിക്കേറ്റത്.
Comments ()