ജപ്പാന് യാത്ര ഇനി സ്വപ്നമല്ല; കുറഞ്ഞ ചിലവില് വിസ നേടാം, ഇന്ത്യക്കാര്ക്ക് വന് ഇളവ്
ലോകരാജ്യങ്ങള്ക്കായി ജപ്പാന് വിസ നിരക്കുകള് വര്ദ്ധിപ്പിച്ചപ്പോഴും ഇന്ത്യന് പൗരന്മാര്ക്കുള്ള പ്രത്യേക ഇളവുകള് മാറ്റമില്ലാതെ തുടരുമെന്ന് ജാപ്പനീസ് സര്ക്കാര് വ്യക്തമാക്കി.
ഒരു വിദേശയാത്ര സ്വപ്നം കാണുന്നവര്ക്ക് ജപ്പാനിലേക്ക് കുറഞ്ഞ ചിലവില് പറക്കാന് സുവര്ണ്ണാവസരം. ലോകരാജ്യങ്ങള്ക്കായി ജപ്പാന് വിസ നിരക്കുകള് വര്ദ്ധിപ്പിച്ചപ്പോഴും ഇന്ത്യന് പൗരന്മാര്ക്കുള്ള പ്രത്യേക ഇളവുകള് മാറ്റമില്ലാതെ തുടരുമെന്ന് ജാപ്പനീസ് സര്ക്കാര് വ്യക്തമാക്കി. അതുകൊണ്ട് തന്നെ വെറും 500 രൂപ ഫീസില് ഇന്ത്യക്കാര്ക്ക് ഇപ്പോള് ജപ്പാന് വിസ സ്വന്തമാക്കാം. എന്നാല് ഇതിനോടൊപ്പം വി.എഫ്.എസ് അല്ലെങ്കില് മറ്റ് അനുബന്ധ സര്വീസ് ചാര്ജുകള് പ്രത്യേകം നല്കേണ്ടി വരുമെന്ന കാര്യം ഓര്ക്കുക. ജപ്പാന് സന്ദര്ശിക്കാന് ആഗ്രഹിക്കുന്നവര്ക്ക് വലിയ സാമ്പത്തിക ബാധ്യതയില്ലാതെ തന്നെ ഇപ്പോള് അപേക്ഷിക്കാവുന്നതാണ്.
ഇന്ത്യന് പാസ്പോര്ട്ട് ഉടമകള്ക്ക് മാത്രമാണ് 500 രൂപയുടെ ഈ പ്രത്യേക വിസ ആനുകൂല്യം ലഭിക്കുക. സിംഗിള് എന്ട്രി, മള്ട്ടിപ്പിള് എന്ട്രി വിസകള്ക്ക് ഈ കുറഞ്ഞ നിരക്ക് ബാധകമാണ്. അടുത്തിടെ പല രാജ്യങ്ങള്ക്കുമുള്ള വിസ ഫീസ് ജപ്പാന് വര്ദ്ധിപ്പിച്ചിട്ടുണ്ടെങ്കിലും, ഇന്ത്യയെ ഈ പരിഷ്കാരത്തില് നിന്ന് പൂര്ണ്ണമായി ഒഴിവാക്കിയിട്ടുണ്ട്. അതിനാല് ഇന്ത്യന് പൗരന്മാര്ക്ക് പഴയ നിരക്കില് തന്നെ തുടര്ന്നും വിസ സ്വന്തമാക്കാം.
അപേക്ഷിക്കേണ്ട വിധം: ആദ്യം വിസ അപേക്ഷാ ഫോം കൃത്യമായി പൂരിപ്പിക്കുക. തുടര്ന്ന് പാസ്പോര്ട്ട്, ഫോട്ടോ, വിമാന ടിക്കറ്റ്, ഹോട്ടല് ബുക്കിംഗ് വിവരങ്ങള്, ബാങ്ക് സ്റ്റേറ്റ്മെന്റ്, വ്യക്തമായ യാത്രാ പദ്ധതി എന്നിവയുള്പ്പെടെയുള്ള ആവശ്യമായ രേഖകള് തയ്യാറാക്കി വെക്കുക. ശേഷം, പൂരിപ്പിച്ച ഫോമും രേഖകളും നിങ്ങളുടെ തൊട്ടടുത്തുള്ള വി.എഫ്.എസ് സെന്ററിലോ ഔദ്യോഗിക വിസ അപേക്ഷാ കേന്ദ്രത്തിലോ നേരിട്ട് സമര്പ്പിക്കാം. അവര് നിങ്ങളുടെ രേഖകള് പരിശോധിച്ച് ഉറപ്പുവരുത്തിയ ശേഷമായിരിക്കും വിസ അനുവദിക്കുക.
ഇന്ത്യക്കാര്ക്ക് ഫീസ് ഇളവ് ലഭിക്കാനുള്ള കാരണം: 2026 ജൂലൈ 1 മുതല് ലോകമെമ്പാടുമുള്ള നിരവധി രാജ്യങ്ങള്ക്കുള്ള വിസ നിരക്കുകള് ജപ്പാന് വര്ദ്ധിപ്പിച്ചിട്ടുണ്ട്. എന്നാല് ഇന്ത്യയും ജപ്പാനും തമ്മിലുള്ള ശക്തമായ ഉഭയകക്ഷി ബന്ധത്തിന്റെ തെളിവായിട്ടാണ് ഇന്ത്യന് പൗരന്മാര്ക്കുള്ള ഈ പ്രത്യേക ഫീസ് ഇളവ് നിലനിര്ത്തിയിരിക്കുന്നത്. ജാപ്പനീസ് സര്ക്കാരിന്റെ ഈ തീരുമാനം ഇന്ത്യന് വിനോദസഞ്ചാരികള്ക്ക് ജപ്പാന് യാത്ര മുന്പത്തേക്കാള് ഏറെ എളുപ്പവും താങ്ങാനാവുന്നതുമാക്കാന് സഹായിക്കും.
Comments ()