ദീർഘകാലമായി ജിദ്ദയിൽ പ്രവാസിയായ മലയാളി നാട്ടിൽ നിര്യാതനായി

തൃശൂർ കൊടുങ്ങല്ലൂർ വെള്ളാങ്കല്ലൂർ സ്വദേശിയും ദീർഘകാലമായി ജിദ്ദയിൽ പ്രവാസിയുമായിരുന്ന അബ്ദുൽ ജലീൽ നമ്പിയാംകുളം (49) നാട്ടിൽ നിര്യാതനായി. പെട്രോ റാബിഗിൽ സിസ്റ്റം അനലിസ്റ്റായി ജോലി ചെയ്തുവരികയായിരുന്ന അദ്ദേഹം, ജിദ്ദയിൽ കുടുംബസമേതമാണ് താമസിച്ചിരുന്നത്. നാട്ടിൽ അവധിയിലായിരുന്ന കുടുംബത്തെ തിരികെ കൊണ്ടുവരുന്നതിനായി 20 ദിവസത്തെ ഹ്രസ്വകാല അവധിക്ക് നാട്ടിലെത്തിയപ്പോഴായിരുന്നു അപ്രതീക്ഷിത അന്ത്യം സംഭവിച്ചത്. ജിദ്ദയിലെ കൊടുങ്ങല്ലൂരും പരിസര പ്രദേശങ്ങളിലുള്ളവരുടെ പ്രവാസി കൂട്ടായ്മയായ മുസിരിസ് പ്രവാസി ഫോറത്തിന്റെ സജീവ പ്രവർത്തകനായിരുന്നു ഇദ്ദേഹം. ഷിംന അബ്ദുൽ അസീസ് ആണ് ഭാര്യ. ഇഹ്സാൻ (മൂന്നാം വർഷ എൻജിനീയറിങ് വിദ്യാർത്ഥി), ഇഫ്ഫത്ത് (ജിദ്ദ ഇന്ത്യൻ സ്കൂൾ 12-ാം ക്ലാസ് വിദ്യാർത്ഥിനി) എന്നിവർ മക്കളാണ്. അബ്ദുൽ ജലീലിന്റെ ആകസ്മിക വേർപാടിൽ മുസിരിസ് പ്രവാസി ഫോറം ജിദ്ദ ഘടകം അഗാധമായ ദുഃഖവും അനുശോചനവും രേഖപ്പെടുത്തി.