മഴയും കാറ്റും ശക്തമാകാൻ സാധ്യത: കടലിൽ പോകരുതെന്ന് മത്സ്യത്തൊഴിലാളികൾക്ക് മുന്നറിയിപ്പ്
കേരളം, കർണാടക, ലക്ഷദ്വീപ് തീരങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ ഇന്നും നാളെയും മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തിരുവനന്തപുരം:സംസ്ഥാനത്ത് മഴയും കാറ്റും ശക്തമായ സാഹചര്യത്തില് ഇന്നും നാളെയും മത്സ്യത്തൊഴിലാളികള്ക്ക് നിയന്ത്രണമേര്പ്പെടുത്തി. ഇന്നും നാളെയും കേരളം-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്നാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
കേരളം - കര്ണാടക - ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നാണ് മുന്നറിയിപ്പ്.
മഴ കനത്ത സാഹചര്യത്തില് 12 ജില്ലകളില് ഇന്നും ഓറഞ്ച് അലര്ട്ടാണ്. പത്തനംതിട്ട മുതല് കാസര്കോട് വരെ അതിശക്തമായ മഴ സാധ്യതയാണ് പ്രവചിക്കപ്പെട്ടിരിക്കുന്നത്. നാളെ 10 ജില്ലകളില് യെല്ലോ അലര്ട്ടുണ്ട്.
Comments ()