ഒമാനിൽ വാഹനാപകടം: പ്രവാസി മലയാളിക്ക് ദാരുണാന്ത്യം
ഒമാനിൽ വാഹനാപകടത്തിൽ പ്രവാസി മലയാളി മരിച്ചു. സൂർ ഖൽഹാത്ത് മേഖലയിലുണ്ടായ വാഹനാപകടത്തിലാണ് റിഷാദ് മരിച്ചത്. മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
ഒമാനിലെ സൂർ ഖൽഹാത്തിലുണ്ടായ ദാരുണമായ വാഹനാപകടത്തിൽ മലയാളി യുവാവ് മരണപ്പെട്ടു. കണ്ണൂർ മൊറാഴ കുമ്മനാട് സ്വദേശി റിഷാദ് മംഗാടൻതകത്ത് (39) ആണ് മരിച്ചത്. കാർഗോ കമ്പനി ജീവനക്കാരനായിരുന്ന റിഷാദ് ദീർഘകാലമായി ഒമാനിൽ പ്രവാസിയായിരുന്നു. അബ്ദുല്ല അസിക്കോടൻറകത്ത് - നസീമ മംഗാടൻതകത്ത് ദമ്പതികളുടെ മകനാണ്. സുലൈന ചെറിയ പൊക്കോസിറക്കത്താണ് ഭാര്യ.
നിലവിൽ സൂർ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം, ഒമാനിലെ സാമൂഹിക-സാംസ്കാരിക പ്രവർത്തകരുടെയും സുഹൃത്തുക്കളുടെയും നേതൃത്വത്തിൽ നിയമനടപടികൾ വേഗത്തിലാക്കി ഉടൻ തന്നെ നാട്ടിലേക്ക് അയക്കും. റിഷാദിന്റെ പെട്ടെന്നുള്ള വേർപാടിൽ പ്രവാസി സമൂഹവും സുഹൃത്തുക്കളും ആഴത്തിലുള്ള ദുഃഖവും അനുശോചനവും രേഖപ്പെടുത്തി.
Comments ()