നിതിൻ രാജിൻ്റെ മരണം; ഒന്നാം പ്രതി ഡോ. എം കെ റാമിന് മുൻകൂർ ജാമ്യമില്ല
നിതിന് രാജ് ജീവനൊടുക്കിയ സംഭവത്തില് ഒന്നാം പ്രതിയായ അധ്യാപകന് ഡോ എം കെ റാമിന്റെ മുന്കൂര് ജാമ്യാപേക്ഷ ഹൈക്കോടതി തള്ളി.
കണ്ണൂര്: അഞ്ചരക്കണ്ടി ഡെന്റല് കോളേജ് വിദ്യാര്ത്ഥി നിതിന് രാജ് ജീവനൊടുക്കിയ സംഭവത്തില് ഒന്നാം പ്രതിയായ അധ്യാപകന് ഡോ എം കെ റാമിന്റെ മുന്കൂര് ജാമ്യാപേക്ഷ ഹൈക്കോടതി തള്ളി. നേരത്തെ, തലശ്ശേരി അഡിഷനല് സെഷന്സ് കോടതിയും റാമിന്റെ ജാമ്യാപേക്ഷ തള്ളിയിരുന്നു.
കഴിഞ്ഞ ഏപ്രില് 10 നാണ് നിതിന് രാജ് കോളേജ് കെട്ടിടത്തില് നിന്നും ചാടി ആത്മഹത്യ ചെയ്യുന്നത്. വകുപ്പ് മേധാവി റാം മാനസികമായി പീഡിപ്പിക്കുന്നുണ്ടെന്ന് നിതിന് നേരത്തെ തന്നെ കുടുംബത്തെ അറിയിച്ചിരുന്നു. അധ്യാപകരായ ഡോ എം കെ റാം, സംഗീത നമ്പ്യാര് എന്നിവരാണ് കേസിലെ പ്രതികള്.
അതേസമയം, നിതിന് രാജ് ജീവനൊടുക്കിയതില് അധ്യാപകനെതിരെ ഗുരുതര ആരോപണങ്ങളുമായി മറ്റ് വിദ്യാര്ത്ഥികള് രംഗത്തെത്തിയിരുന്നു.
ഡെന്റല് അനാട്ടമി വിഭാഗം മേധാവി എം കെ റാം മാനസികവും ശാരീരികവുമായി പീഡിപ്പിച്ചിരുന്നതായി വിദ്യാര്ഥികള് മൊഴി നല്കിയിരുന്നു. സംഭവത്തെ തുടര്ന്ന് കോളേജില് നിന്നും ഡോ എം കെ റാമിനെയും, ഡോ സംഗീത നമ്പ്യാരെയും പുറത്താക്കിയിരുന്നു.
Comments ()